西亞兵團伊拉克最惡

猪拉多纳

西亞球隊於上屆U22亞洲盃表現出色，約旦、沙特阿拉伯同伊拉克都順利打入4強，伊拉克與沙特阿拉伯更上演「西亞決賽」，最終伊拉克小勝1比0奪冠。今屆U23亞洲盃共有8支西亞球隊打入決賽周，其中衞冕伊拉克正在阿聯酋集訓，踢咗兩場熱身賽分別擊敗中國和北韓，可見佢哋準備充足，有力冧莊，陣中以效力瑞士草蜢嘅前鋒卡雷姆最值得留意。
約旦沙特土炮做骨幹

至於上屆4強分子約旦同沙特阿拉伯，今次均以國內球員為骨幹，好處係大軍可以早早集合，減少舟車勞頓，加埋主辦國卡塔爾及實力不弱嘅伊朗，今屆賽事4強席位畀西亞兵團包辦絕對唔奇。