高清睇跑馬：紅旗勇將大超班

港陌

　　「紅旗勇將」今季於總場次556跑谷草1200米，冷不提防落大雨，場地不合之下重飛搏失僅跑第六；接戰再爭谷草同程並有6倍，直路拉出中檔一衝即揮低「夢仙」取勝，仲要跑出不俗時間。上仗升上三班兼初跑田草，排十二檔賠率依然熱到辣手，但跑法被動及當日場地不利追，結果只衝回一席第三；這匹超級馬現評 76分必有優勢，搏失後重返勝途亦擺明有心補中，大可放心捧場。

　　尾場「伽羅」今季跑至第四仗便贏馬開齋，但之後未再建功，難怪於3月30日總場次511的二班谷草1800米跑第三後，幕後便將「伽羅」轉交大摩訓練。上仗於總場次602初出跑嫌短的田草1200米，結果一樣殺入三甲證明質素超班，況且頭馬「禮尚往來」三戰全勝，該役更跑出今季三班田草1200 米的第二快時間，至於亞軍「喜惑」再出亦贏馬補中，可見賽績相當硬淨。

　　今仗「伽羅」改攻谷草1650米肯定合跑得多，而且賽前曾試谷草大閘，動態方面亦比起上仗積極，馬勇路合兼排一檔，今仗可謂不勝無歸，縱使必成熱門亦要吼實。

Sam