彼德堡將帥不和 米爾頓凱恩斯o趙多鋪

猪拉多纳

19/05/2011
文： 亨格比利

輸波係成Team人嘅責任，亨格比利就最憎啲領隊卸膊，彼德堡喺英甲升班附加賽首回合作客輸2:3，教頭戴倫費格遜即刻搵班球員開火，一啲大將之風都冇，班手足又點會同你搏命吖？今晚次回合小弟寧捧睇定嚟食嘅米爾頓凱恩斯，要2倍「讓客」。（開賽時間：周五凌晨2:45）


戴倫費格遜輸波賴球員


首回合輸波之後，戴倫費格遜強調自己個鑽石形中場陣式冇問題，輸波只係班球員質素曳配合唔到佢嘅戰術，據講呢番言論惹嚟部分球員好似馬卡爾史密夫等人不滿，陣營士氣確實麻麻。




揸住1球領先優勢嘅米爾頓凱恩斯，今仗有中場基利臣停賽，彼德利雲養傷，但預計影響唔大。30歲領隊卡爾羅賓遜係全英格蘭最後生教頭，戰術一向進取嘅佢，賽前講明作客都會派晒丹尼爾包維、巴蘭達同森巴鐸克3箭頭落場，適逢彼德堡有查理李爾坐波監，今鋪焗住要搵中場路維客串左閘，呢個漏洞隨時成為致命傷，米爾頓凱恩斯莫講話保不敗，贏多鋪都唔出奇。