吾係波牛：慕遜甩皮甩骨撐波琴反勝升班

港陌

25/05/2011
文： 牛奶仔

德國聯賽附加賽今晚繼續上演，首回合作客淨輸1球嘅波琴會回師主場，迎戰德甲嘅慕遜加柏爭升班，睇番波琴主場威力非常強勁，絕對有力擊潰傷兵滿營嘅客軍，平手盤捧主隊。（有線61及64周四凌晨2:30直播）




首回合作客慕遜加柏，波琴其實與對方打成均勢，可惜喺下半場補時3分鐘失守，以致輸0:1離場。慕遜加柏雖然符碌贏波，之不過佢哋今仗有大量十字軍缺陣，包括史杜迪利、查奧尼斯、贊斯維辛同多亞達等多名中後防主力，令陣容極為殘缺。同時，慕遜加柏作客成績一向麻麻，最近7場輸咗4場，今次造訪「地頭龍」波琴睇怕都幾難有運行。


波琴鄭大世復出


睇番波琴近10場主場比賽贏咗8場，可見其主場威力驚人，加上近6次喺地頭迎戰慕遜加柏，共錄得4勝2和不敗佳績，射手鄭大世又傷愈，喺首回合後備復出，今次眾志成城下要贏波都唔算難吖！




首回合波客負0:1


德甲德乙附加賽賽制


今場為次回合，若兩回合總比數打和，以作客入球較多一方為勝，假如作客入球數字相同，則在次回合90分鐘後加時30分鐘，若雙方在加時期間取得相同數量入球，由作客球隊獲勝，加時沒有入球的話，則互射12碼分勝負。