大盤客要追實莫斯科雙雄

猪拉多纳

首都莫斯科嘅球隊向來係俄超重要勢力，當中莫斯科中央陸軍同莫斯科戴拿模簡直係大盤客至愛，經常開入球騷娛樂球迷，而且計埋今季賽事，戴拿模近3季開入球大機會高達59‌%，鍾意玩大盤就要吼實呢兩支球隊。
陸軍夠鬥心唔愛死守

中央陸軍今季暫時踢咗17場聯賽，期間10場開入球大、7場開入球細，而且喺6場歐聯分組賽亦有4場開入球大，中央陸軍嘅特性係充滿鬥心，對住實力更強嘅對手都唔會死守，上季聯賽30場有18場開入球大，絕對有根有據。

至於另一支首都球隊莫斯科戴拿模今季16場聯賽都有9場開入球大，同時對上2季都係有18場聯賽開入球騷，即係近3季開入球大高達59‌%，佢哋最近更喺歐霸盃打沉安德列治，強勢晉級16強。睇怕戴拿模下半季唔會突然做衰仔，相反會繼續同對手鬥攻氹擁躉開心。