熊英雄冇得彈

猪拉多纳

　　昨晨跳馬絡繹不絕，其中已報名周日賽事者有二十多駒，以霍、告、文等廐為主。

　　「熊英雄」助手試八百米，助手策退役馬佔先乘多帶放，直路上外檔的「熊英雄」按實也自動湧上， 加速力強， 由於被大力拉實，故未能佔先，運步靈巧，近況冇得彈。

　　「快意」郭立基、「怡情養勝」助手結伴試八百米，前駒落後兩三乘，電算機前獲准展步，即有良好反應，以大半乘壓住廐侶過終點，走勢挺勁，有截然不同的進步；後駒試來相形見絀。

　　「傑出君子」普萊西試八百米，告達理策「時尚風華」佔先個半馬位帶放，入直路「傑出君子」在內檔追趕，最後幾步贏頭位而回，步伐穩健，體力已復。

駿方落腳有勁

　　「駿方」杜利萊試八百米，出腳順暢有力，健康情況遠勝上季，狀態循序漸進。

　　「嘻哈大少」杜利萊試八百米，身長步大，上勁起力，肌肉現線條，在冒起中。

　　「寶成智星」黎海榮、「塑料勁」潘頓聯袂試八百米，前駒落後三四乘追趕，最後一百米並肩爭持，走來似模似樣，生氣勃勃。

　　「多益善」助手試八百米，翻步快捷，馬身飽滿結實，毛色灰潤，日益成熟。

　　「奪錶」郭立基、「精算拍檔」助手同試八百米，叮噹馬頭過終點，外檔的「奪錶」步整有力，神態活躍，予人印象不差。

　　「駿盈」蘇狄雄試八百米，清風送爽完成， 腳步硬朗，饒富火氣，八九分勇。