國足主場誓宰印尼

猪拉多纳

除了香港隊之外，國足今晚亦會於C組分組賽主場迎戰印尼，計牌面印尼係呢組最弱一隊，國足上次作客被逼和失咗兩分已經好傷，今返主場唔容許再有任何差池，乘廣州恒大（足智彩譯：FC廣州）剛奪亞冠盃餘威，國足有力大勝一場。

（中央5台周五晚7時35分直播）

印尼未踢上一輪比賽前，分組賽鬥沙特阿拉伯、伊拉克都要輸波，擺明成為人家搶分對象，可惜國足上次作客喺領先一球下被追和，依家只係領先第三位嘅伊拉克一分，出線形勢未可安寢。
恒大九將士氣正盛

國足向來擅打順境波，啱啱贏得亞冠盃嘅恒大今次有九名球員入選，正好對陣內士氣起到刺激作用，加上四日後會續於主場迎戰目前排榜首嘅沙特阿拉伯，更加需要一場漂亮勝仗去振奮軍心。